კლოპი 2015 წელს: “თუ ოთხი წლის შემდეგ ერთ ტიტულსაც ვერ მოვიგებ, შვეიცარიაში გადავალ”

ბევრ უკვე აღარც ახსოვს ის დღე, როდესაც იურგენ კლოპმა “ენფილდზე” პირველად შეაბიჯა. მეოთხე წელია რაც გერმანელი “ლივერპულში” მუშაობს და ცოტას თუ ეპარება ეჭვი მისი მუშაობის ეფექტურობაში.

ფაქტია, რომ იურგენ კლოპმა “ლივერპული” ამ ოთხ წელიწადში ევროპის ერთ-ერთ ყველაზე მრისხანე გუნდად აქცია, თუმცა არის ერთი ფაქტორი, რაზეც კლოპი თავიდანვე ფიქრობდა – უტიტულობა. ამ დროის მანძილზე კლოპი ლიგის თასის, ევროპა ლიგისა და ჩემპიონთა ლიგის ფინალებში დამარცხდა.

“ჩემი თხოვნა იქნება, რომ დრო მოგვცეთ საქმის გასაკეთებლად. ოთხი წლის შემდეგ თუ ერთ ტიტულსაც ვერ მოვიგებ, ალბათ, ამას შვეიცარიაში გავაკეთებ,” – ვციტირებთ გერმანელი სპეციალისტის მიერ 2015 წელს ნათქვამ სიტყვებს.