კლოპი: ‘ამ თამაშით ნახევარფინალში გასვლას არ ვიმსახურებთ’

“ლივერპულის” მთავარმა მწვრთნელმა, იურგენ კლოპმა ჩემპიონთა ლიგის მეოთხედფინალურ ეტაპზე, მადრიდის “რეალთან” პირველ მატჩში განცდილი მარცხის (3:1) შემდეგ კომენტარი გააკეთა.

“დღეს გამარჯვება არ დაგვიმსახურებია, რადგან კარგად ვერ ვითამაშეთ. ეს მაღელვებს. ბურთი ბევრჯერ დავკარგეთ. მოულოდნელ სიტუაციაში აღმოვჩნდით. პოზიტივად შეგვიძლია ის ჩავთვალოთ, რომ გოლი გავიტანეთ. “რეალი” კონტრ-შეტევებზე ძალიან სწრაფია… ჩვენ ბურთს ხშირად ვკარგავდით და მათ ამ კოზირის გამოყენების საშუალებას ვაძლევდით. მეოთხედფინალში გასვლას დამსახურება სჭირდება, დღეს ჩვენ ეს არ დაგვიმსახურებია.

“ბარსელონასთან” შემოტრიალებული მატჩი? მაშინ 80 პროცენტი ტრიბუნაზე მყოფი გულშემატკივრების დამსახურება იყო. ახლა განსხვავებული სიტუაციაა. თუმცა, პირობას ვდებ, რომ განმეორებით შეხვედრაში 100 პროცენტით დავიხარჯებით. ვნახოთ, რა მოხდება” – განაცხადა კლოპმა.

“ლივერპულისა” და “რეალის” განმეორებითი დაპირისპირება 14 აპრილს, “ენფილდზე” გაიმართება.