კლოპი: “არ მესმის, რატომ თამაშობს “ატლეტიკო” ასეთ ფეხბურთს”
“ლივერპულის” მთავარმა მწვრთნელმა, იურგენ კლოპმა “ატლეტიკოსთან” განცდილი მარცხის შემდეგ კომენტარი გააკეთა.
როგორც იცით, მადრიდულმა კლუბმა “ლივერპული” “ენფილდზე”, დამატებით დროში 3:2 დაამარცხა. ორი მატჩის ჯამში (4:2), მეოთხედფინალის საგზური სიმეონეს გუნდმა მოიპოვა.
“ჩვენი მთავარი შეცდომა ის იყო, რომ მეორე გოლი ხუთი წუთის დაგვიანებით გავიტანეთ. ბიჭებმა შესანიშნავად ითამაშეს. ყველამ ვნახეთ, როგორი გოლებიც გავუშვით. ასეთ გოლებს არ უნდა ვუშვებდეთ. ჩემმა ფეხბურთელებმა ბოლომდე იბრძოლეს.
არ მესმის, რატომ თამაშობს “ატლეტიკო” ასეთ ფეხბურთს, როცა მათ უფრო მაღალი ხარისხის თამაში შეუძლიათ შემოგვთავაზონ. მსოფლიო დონის ფეხბურთელები ორ ბლოკად დგანან, კონტრ-შეტევაზე თამაშსაც კი არ ცდილობენ.
“ვიცით, რომ ბოლო ორ სეზონში ჩემპიონთა ლიგაზე არაერთხელ გაგვიმართლა, მაგრამ ჩვენ ფინალში ორჯერ გავედით. დღეს, გადამწყვეტ მომენტებში ყველაფერი ჩვენ წინააღმდეგ იყო”, – თქვა კლოპმა.
