კლოპი: “ასეთ შემთხვევაში სხვა კლუბს პენალტს აუცილებლად დაუნიშნავდნენ” (ფოტო)

“ლივერპულის” მთავარმა მწვრთნელმა, იურგენ კლოპმა, “საუთჰემპტონთან” მინიმალური ანგარიშით განცდილი მარცხის შემდეგ, პრესკონფერენცია გამართა.

“ყველაზე იმედგამაცრუებელი მატჩის სტარტი იყო. მხოლოდ გოლის გაშვებას არ ვგულისხმობ. დიახ, მეტოქე უკეთესად გამოიყურებოდა, მაგრამ ამას უნდა გავმკლავებოდით.

“საუთჰემპტონს” ვულოცავ გამარჯვებას, მათ ეს დაიმსახურეს. ვიცოდით, თუ რამდენად ძლიერ მეტოქესთან გვიწევდა თამაში. გაკვირვებულები არ უნდა ვყოფილიყავით, მაგრამ მაინც ასე მოხდა.

სადიო მანეს ეპიზოდი ნამდვილად მნიშვნელოვანი იყო. თუ ვინმე იტყვის, რომ მანემ ისიმულიანტა, ეს ყველაზე დიდი ხუმრობა იქნება მსოფლიოში. მანე ყოველთვის ცდილობს, რომ არ წაიქცეს და ფეხზე დარჩეს. ორი მომენტი გვქონდა, სადაც სხვა კლუბს პენალტს აუცილებლად დაუნიშნავდნენ,” – აცხადებს კლოპი.