კლოპი: “ერთა ლიგა მსოფლიოში ყველაზე უაზრო ტურნირია”

“ლივერპულის” მთავარი მწვრთნელი, იურგენ კლოპი აცხადებს, რომ ერთა ლიგა მსოფლიოში ყველაზე უაზრო ტურნირია.

გერმანელი სპეციალისტი წუხს იმაზე, რომ ფეხბურთელებს დასვენებისათვის ცოტა დრო რჩებათ.

“ხალხი კითხულობს, რატომ ვითამაშეთ ნაკლებად შემტევი ფეხბურთი. ამის მიზეზი ისაა, რომ ჯორდან ჰენდერსონის მსგავსად, ზოგიერთ ფეხბურთელს მსოფლიო ჩემპიონატის დასრულების შემდეგ დასვენებისათვის მხოლოდ ორი კვირა ჰქონდა. ახლა ფეხბურთელები ერთა ლიგის მატჩების სათამაშოდ წავლენ. ჩემი აზრით, ერთა ლიგა მსოფლიოში ყველაზე უაზრო ტურნირია. ჩვენ ფეხბურთელებზე ფიქრს ვიწყებთ. უნდა დავურეკოთ თითოეული ნაკრების მწვრთნელს და ვკითხოთ, შესაძლებელია თუ არა, რომ მათ ჩვენი მოთამაშე განაცხადში არ შეიყვანონ. ამ შემთხვევაში, ჩემზე ზეწოლა იზრდება”, – ციტირებს კლოპის სიტყვებს Goal.Com.