კლოპი: “მადლობა ღმერთს, “რეალი” და “ბაიერნი” რომ არა – ასე არ მიფიქრია”
მერსესაიდის “ლივერპულს” ჩემპიონთა ლიგის ფინალური ეტაპის საგზურის მოსაპოვებლად ორმატჩიან დუელში “რომას” დამარცხება მოუწევს. ნიონში გამართული წილისყრის შედეგები იურგენ კლოპმა პრესასთანაც ისაუბრა.
“ვიცოდი, რომ წილისყრაზე კომენტარის გაკეთება მომიწევდა და ვფიქრობდი, გამერკვია, თუ რას ვგრძნობ. ნამდვილად არ მიფიქრია – “მადლობა ღმერთს “ბაიერნი” და “რეალი” რომ არ მოგვხვდა. “რომა”!ვაშა!” და არც რაიმე მსგავსი.
ჩვენთვის მთავარი და ყველაზე მნიშვნელოვანი ის არის, რომ ამ ეტაპზე ვთამაშობთ. გადამწყვეტი მნიშვნელობა არ ჰქონდა, თუ ვინ იქნებოდა ჩვენი მეტოქე, ვიტყოდი რომ შანსი გვაქვს, რადგანაც ეს ფეხბურთია – ასე რომ, “რომასთან” გასვლის შანსი გვაქვს
თუ ვინმე ფიქრობს, რომ “რომა” ყველაზე ადვილი მეტოქე იყო, ცდება – ამ გუნდმა მესის “ბარსელონა” დაამარცხა. მეორე მატჩში ეს გუნდი ბრწყინვალე იყო, შეეძლოთ, სულაც 5-0 მოეგოთ.
რომში არასოდეს ვყოფილვარ, ტურისტის ამპლუაშიც კი. იქ დაბრუნება განსაკუთრებით მნიშვნელოვანი იქნება მოჰამედისთვისაც. ვნახოთ, რა მოხდება,” – აცხადებს გერმანელი სპეციალისტი.
