კლოპი:”მინოლემ იცის, რომ ფერნანდინიოს გოლის თავიდან აცილება შესაძლებელი იყო”

იურგენ კლოპმა ლიგის თასის ფინალში სიმონ მინოლეს შეცდომაზე ისაუბრა, რომლის წყალობითაც ფერნანდინიომ ანგარიშის გახსნა მოახერხა.

“ვფიქრობ, რომ გოლის შემთხვევაში ბურთის ხელში დაჭერა შეუძლებელი იყო, ეს სიმონმაც ძალიან კარგად იცის. ესაა და ეს. დარწმუნებული არ ვარ, რომ მისი მოქმედება არასწორი იყო, თუმცა არც უნაკლოდ შევაფასებდი.

ასეთია ფეხბურთი, რომელიც მეკარეებისთვის განსაკუთრებულად რთულია. სხვა მხრივ კი შემიძლია ვთქვა, რომ მინოლე ძალიან კარგი ბიჭია, ის შესანიშნავი პიროვნებაა და მშვენივრად უძლებს მასზე არსებულ ზეწოლას.

მინოლემ რამოდენიმე დიდებული მატჩი ჩაატარა, თუმცა მას, ისევე როგორც “ლივერპულს” წინ დიდი გზა აქვს გასავლელი. ის საკმაოდ გამოცდილი და ჩვენი ერთად წარმატების მიღწევა შეგვიძლია.”