კლოპი უელბეკსა და სანჩესს უფრთხის

დორტმუნდის “ბორუსიას” მთავარმა მწვრთნელმა იურგენ კლოპმა აღიარა, რომ მას ხვალინდელი მეტოქის,  “არსენალის” შემტევების დენი უელბეკისა და ალექსის სანჩესის ძალიან ეშინია.

ხვალ, თბილისის დროით 22:45-ზე გაიმართება ჩემპიონთა ლიგი ჯგუფური ეტაპის მატჩი “არსენალსა” და “ბორუსიას” შორის. თამაში ლონდონში “ემირეიტს სთედიუმზე” გაიმართება.

დიდი ალბათობით “მეთოფეები”, როგორც მასპინძლები პირველ ნომრად ითამაშებენ, ამიტომ კლოპი დაცვით თამაშს არ გამორიცხავს.

“არსენალმა ორი სერიოზული მოთამაშე ალექსისა და დენის სახით შეიძინა, რომლებიც გუნდს გამოაცოცხლებენ. ვიმედოვნებ, მეთოფეები საკუთარი შანსის გამოყენებას შეეცდებიან.  ყველაზე მთავარი მაინც ისაა, რომ ჩვენ კონცენტრაცია უნდა დავიცვათ და დაცვაში კარგად ვითამაშოთ.”-განაცხადა გერმანელმა მენეჯერმა