კლოპი: “ვერ დავინახე, რომ “ლივერპული” ჩემპიონთა ლიგაზე თამაშს იმსახურებს”

პრემიერ ლიგის ოთხეულში მოხვედრისთვის მებრძოლმა “ლივერპულმა” 33-ე ტურის მატჩში “ნიუკასლთნ” შინ ფრედ (1:1) ითამაშა. მასპინძლები მთელი მატჩის განმავლობაში ფლობდნენ უპირატესობას, თუმცა ბოლო წუთზე გაშვებული გოლით დაკარგეს ქულები.

“ბრწყინვალე გოლი გავიტანეთ, თუმცა მატჩის სათანადოდ დასრულება ვერ მოვახერხეთ. ფაქტია, რომ საკმარისად კარგად ვერ ვითამაშეთ. გადამწყვეტ ფაზაში საკმარისად ზუსტები ვერ ვიყავით.

არ ვიცი, რატომ მოხდა ასეთი რამ. 70 პროცენტი გვქონდა ბურთის ფლობის მაჩვენებელი, მაგრამ შეგვეძლო 80 გვქონოდა. უფრო მეტად უნდა გვებრძოლა. დღეს ვერ დავინახე, რომ “ლივერპული” ჩემპიონთა ლიგაზე თამაშს იმსახურებს,” – განაცხადა იურგენ კლოპმა.

ამ დროის მონაცემებით “ლივერპული” 33 მატჩში დაგროვებული 54 ქულით მეექვსე პოზიციას იკავებს და 4 ქულით ჩამორჩება მეოთხეადგილოსან “ჩელსის”.