კლოპი ჟურნალისტს: “თქვენ ამ კითხვას მისვამთ, თავად კი მადრიდიდან ჩამოფრინდით”
“ლივერპულის” მთავარი მწვრთნელი, იურგენ კლოპი “ატლეტიკოსთან” მატჩამდე ერთი დღით ადრე პრესკონფერენციაზე ერთ-ერთ ჟურნალისტის შეკითხვამ გააღიზიანა. ჟურნალისტმა გერმანელ სპეციალისტს შეკითხვა კორონავირუსის შესახებ დაუსვა.
ჟურნალისტი: “არ გეშინიათ, რომ შესაძლებელია, თქვენ ფეხბურთელები ვირუსით დაინფიცირდნენ?”
კლოპი: “თქვენ მადრიდიან ხართ?”
ჟურნალისტი: “მე არგენტინიდან ვარ, მადრიდში ვცხოვრობ.”
კლოპი: “თქვენ მადრიდში ცხოვრობთ… გასაგებია, შეშფოთებული არ ხართ?”
ჟურნალისტი: “მე ხვალ ფეხბურთს არ ვთამაშობ.”
კლოპი: “ეს არ არის მთავარი. ფეხბურთი თამაშია. ჩვენ საზოგადოება არ ვართ, ჩვენ საზოგადოების ნაწილი ვართ და ყველას მსგავსად, ვღელავთ. რაც ნამდვილად არ მომწონს ესაა – თქვენ აქ ზიხართ და ამ კითხვას მისვამთ, მაგრამ აქ მადრიდიდან ჩამოფრინდით. დარჩით იქ, მათ სკოლები და უნივერსიტეტები დაკეტეს და თქვენც შეშფოთებული ხართ. თუმცა, თქვენ ფიქრობთ, რომ ფეხბურთის გამო მოგზაურობა მაინც შეიძლება. ეს ჩვენი საერთო პრობლემაა – ჩვენ ფეხბურთს ვთამაშობთ, მაგრამ ფეხბურთით ვირუსის გავრცელებას ხელს ვერ შევუშლით.
თქვენი საქმე ინფორმაციის გადაცემაა და იმედი მაქვს, ამას იმაზე უკეთ აკეთებთ, ვიდრე კითხვას სვამთ. ეს ის მომენტია, როცა ნამდვილად ვბრაზდები. თქვენ ცდილობთ მაგრძნობინოთ, რომ მე პრობლემა მაქვს, ხოლო თქვენ – არა. ჩვენ ყველას გვაქვს პრობლემა.”
"You ask me this question but fly from Madrid to here…"
A Spanish journalist asks Jurgen Klopp about #Coronavirus and the Liverpool manager's response is brilliant, highlighting the hypocrisy of the situation. pic.twitter.com/Tibq0ShDf4
— This Is Anfield (@thisisanfield) March 10, 2020
