კლოპის განსაკუთრებული გზავნილი “ევერტონის” პატარა გულშემატკივარს (ვიდეო)
მერსესაიდის “ლივერპულის” გერმანელმა თავკაცმა, იურგენ კლოპმა კიდევ ერთხელ დაამტკიცა, რომ უმაღლესი დონის სპეციალისტთან ერთად კარგი ადგამიანიც არის.
“წითლების” დამრიგებელმა განსაკუთრებული გზავნილი ჩაწერა 13 წლის ნოაჰ კანინგჰემისათვის, რომელიც “ევერტონის” გულშემატკივარია და საკმაოდ მძიმედ არის ავად.
გუშინ “კამფეტების” ახალგაზრდა გულშემატკივარს 10-საათიანი ოპერაცია ჩაუტარდა, მომავალი რამდენიმე კვირის მანძილზე კი განსაკუთრებულ ზრუნვას საჭიროებს.
“სალამი ნოაჰ, ჩვენ ბენზინგასამართ სადგურთან ვიმყოფებით და მითხრეს, რომ საუკეთესო ფორმაში ვერ იმყოფები, მაგრამ დარწმუნებული ვარ, რომ ეს ძალიან მალე შეიცვლება.
როგორც გავიგე, “ევერტონის” უდიდესი გულშემატკივარი ხარ და იმედი მაქვს, რომ მაინც ისიამოვნებ ამ ვიდეოთი. ვიმედოვნებ, რომ მომავალ დერბიზე შეგხვდები,” – ვციტირებთ იურგენის სიტყვებს.
როდესაც იურგენმა დერბი ახსენა, საუბარში ნოაჰის ბიცოლა ჩაერთო სიტყვებით “რომელშიც ჩვენ გავიმარჯვებთ”, რაზეც კლოპმა სიცილით უპასუხა “რა თქმა უნდა, ვერა”.
