კლოპმა „უოტფორდთან“ წაგებული მატჩი შეაჯამა

„ლივერპულის“ მთავარმა მწვრთნელმა იურგენ კლოპმა ინგლისის ჩემპიონატის მე-17 ტურის მატჩი შეაფასა, რომელშიც მისი გუნდი „უოტფორდთან“ ანგარიშით 0:3 განადგურდა.

„შეხვედრის დასაწყისი ცუდი გამოვიდა. საუბარი პირველ გოლზეა, რომელიც ადამ ბოგდანმა გაუშვა. თუ ამ ეპიზოდს კიდევ ერთხელ ნახავთ, მიხვდებით, რომ იქ თამაშის წესის დარღვევა იყო, თუმცა ანგარიში 0:1 გახდა და ამაზე ჩვენი რეაქცია ნამდვილად ცუდი იყო, ფეხბურთის თამაშს მოვეშვით. მეორე გოლი ადვილად გავუშვით, თავის უკეთესად დაცვა შეგვეძლო.

მეორე ტაიმი კარგად დავიწყეთ, ორი გოლის გატანა შეგვეძლო, თუმცა მომენტები ვერ გამოვიყენეთ, შემდეგ კი მესამე ბურთიც მივიღეთ.

პირველ გოლში ბოგდანის დადანაშაულება შემიძლია, მიუხედავად იმისა, რომ მან ბურთ ორივე ხელით დაიჭირა. ვფიქრობ, მსაჯმა ეს უბრალოდ ვერ დაინახა. ეს არასწორი გადაწყვეტილება იყო, მაგრამ ჩვენი მხვრივ უფრო მეტი შეცდომა აღნინიშნება“, – განუცხადა კლოპმა „სქაი სპორტსს“.