კობიაშვილი: „იმედია, ჩვენი მუშაობა ნაყოფიერი და წარმატებული იქნება“
დღეს, მიხეილ მესხის სახელობის სტადიონის საპრესკონფერენციო დარბაზში, სფფ-ს პრეზიდენტმა ლევან კობიაშვილმა საქართველოს 21-წლამდელთა ნაკრების მთავარი მწვრთნელი გია გეგუჩაძე წარადგინა. სათქმელია, რომ გეგუჩაზე არამხოლოდ 21-წლამდელთა ნაკრებს უთავკაცებს, არამედ სხვა ასაკობრივი გუნდების სტრუქტურას უხელმძღვანელებს.
„ჩვენი გადაწყვეტილების შესახებ გუშინ გთხარით. გვიხარია, რომ გია ჩვენთან ერთადაა. ის ასევე სხვა ასაკობრივი ნაკრებების სტრუქტურას უხელმძღვანელებს. მადლობა თბილისის „დინამოს“, რომელმაც გეგუჩაძე გამოუშვა. იქ ის ძალიან კარგ გზაზე იდგა. ქართულ ფეხბურთს ასეთი დონის სპეციალისტები სჭირდება. მადლობას გიასაც ვუხდი, რომელიც ჩვენს წინადადებას დათანხმდა. რაღაც საკითხებში ჩვენი აზრები ემთხვევა, რაღაცაში – განსხვავებული ხედვები გვაქვს. გეგუჩაძეს ამ კუთხით მუშაობის ისეთ გამოცდილება აქვს, რომელიც მომავალში ეროვნული ნაკრებისთვის ფეხბურთელებს მოამზადებს. იმედია, ჩვენი მუშაობა ნაყოფიერი და წარმატებული იქნება“, – განაცხადა კობიაშვილმა.
