კოენტრაუმ “რაიო ვალეკანოსთან” დაზიანება მიიღო
![](https://fanebi.com/wp-content/uploads/2013/11/coentrao.jpg)
დიდი ალბათობით, მადრიდის “რეალის” განაპირა მცველი ფაბიო კოენტრაუ უეფას ჩემპიონთა ლიგის ჯგუფური ეტაპის მეოთხე ტურის შეხვედრაში, ტურინის “იუვენტუსის” წინააღმდეგ მონაწილეობას ვერ მიიღებს.
როგორც “სამეფო კლუბის” ოფიციალური ვებ-გვერდი იტყობინება, ფაბიო კოენტრაუ თავისი გუნდის დახმარებას იტალიის მოქმედ ჩემპიონთან ვერ შეძლებს. მისი გამოჯანმრთელების თარიღი ჯერჯერობით უცნობია.
შეგახსენებთ, პორტუგალიელმა მოთამაშემ დაზიანება პრიმერადივიზიონის ეგიდით გამართულ მატჩში, “რაიო ვალეკანოს” წინააღმდეგ მიიღო. ამის გამო, იგი იძულებული გახდა, მოედანი პირველივე ნახევარში დაეტოვებინა.
ამრიგად, კოენტრაუ მადრიდელებთან ერთად იტალიაში ვერ გაფრინდება.
სანდრო საპანაძე