კონტე: “ეს ჩემპიონატი სრულიად განსხვავდება ესპანური და იტალიური ლიგებისგან”

ლონდონის “ჩელსის” მთავარმა მწვრთნელმა, ანტონიო კონტემ, რომლის გუნდიც ძალიან ახლოსაა ინგლისის ჩემპიონობასთან, პრემიერ ლიგაზე ისაუბრა.

“ეს ჩემპიონატი სრულიად განსხვავდება იტალიური ან ესპანური ლიგებისაგან. პრემიერ ლიგაში ძალიან რთულია თამაში, უძლიერესი ჩემპიონატია.

თითოეულ მატჩში ბოლომდე უნდა იბრძოლო, რათა სეზონის ბოლოს ევროპაში თამაშის უფლება მოიპოვო. რაც ძალიან რთულია.

ეს დიდ პრობლემას წარმოადგენს ნაკრებისთვისაც, რადგანაც სეზონის ბოლოს ფეხბურთელები ძალიან გადაღლილები არიან, მუნდიალზე ან ევროპის ჩემპიონატზე ასეთ მდგომარეობაში ფეხბურთელებით წარმატების მიღწევა კი ადვილი ნამდვილად არ არის.

იძულებული ხარ ყოველ მატჩში ბოლომდე ითამაშო, ბოლომდე დაიხარჯო. თუ საკუთარ ძალებში არ ხარ დარწმუნებული და თვლი, რომ საშუალო დონის გუნდში ხარ, წაგებისთვის ხარ განწირული,” – აცხადებს იტალიელი სპეციალისტი.