კონტე: “ეს ჩვენი საუკეთესო გამოსვლა არ იყო, თუმცა გამარჯვება მნიშვნელოვანია”
ინგლისის პრემიერლიგის 24-ე ტურის ცენტრალური მატჩი “სტემფორდ ბრიჯზე” გაიმართა, სადაც ლონდონის “ჩელსიმ” თანაქალაქელი “არსენალი” მიიღო. შეხვედრა “ლურჯების” გამარჯვებით, ანგარიშით 3:1 დასრულდა. ალონსოს, აზარისა და ფაბგრეგასის გოლებს ოლივიე ჟირუმ უპასუხა. ამ გამარჯვებით “არისტოკრატებმა” ძალიან დიდი (12-ქულიანი) უპირატესობა მოიპოვეს მეორეადგილოსან “ტოტენჰენთან” (თუმცა, “სპურსებს” ერთით ნაკლები მატჩი აქვთ ჩატარებული).
დამაჯერებელი გამარჯვების შემდეგ, ჟურნალისტებს “ჩელსის” მწვრთნელი, ანტონიო კონტე ესაუბრა.
“ეს არ იყო ჩვენი საუეკეთესო გამოსვლა, თუმცა ძალიან მნიშვნელოვანი გამარჯვება მოვიპოვეთ.”
“კიდევე ერთხელ ვიმეორებ, ჯერ ტურნირი არ დასრულებულა და, შესაბამისად, არაფერი მოგვიგია. ძალიან ბევრი რამე შესაძლებელია, მოხდეს. არ უნდა ავყვეთ ემოციებს და, მხოლოდ და მხოლოდ, კონკრეტულ შეხვედრაზე ვკონცენტრირდეთ,” – აცხადებს ანტონიო კონტე.
