კონტე: „გარსიას კომენტარმა ბარში გაგონილი საუბარი გამახსენა“

„იუვენტუსის“ მთავარმა მწვრთნელმა ანტონიო კონტემ „რომას“ თავკაცი რუდი გარსია გააკრიტიკა, რომელმაც „ბიანკონერის“ მეტოქეებს „შავ-თეთრებისთვის“ წინააღმდეგობის გაწევისკენ მოუწოდა, რათა ჩემპიონატში ინტრიგა შენარჩუნდეს.

„სიმართლე რომ გითხრათ, გარსიას კომენტარმა გამაკვირვა. მისმა სიტყვებმა ბარში გაგონილი საუბარი გამახსენა. არამგონია, „იუვენტუსთან“ მოტივაციისთვის რომელიმე გუნდს ეს სჭირდებოდეს. არ უნდა დაგვავიწყდეს, რომ მრავალი წლის განმავლობაში ყველა გუნდისთვის ჩვენთან თამაში ცხოვრების ერთ-ერთი მნიშვნელოვანი შეხვედრა იყო.

გარდა ამისა, მსგავსი განცხადებები მწვრთნელთა, ფეხბურთელთა და გულშემატკივართათვის უპატივცემულობის ნიშანია. ჩემი აზრით, არც ერთი კლუბი გულშემატკივარს არ ჰგონია, რომ მისი გუნდი „იუვესთან“ არ იბრძვის და უმოტივაციოდ თამაშობს“, – განაცხადა კონტემ.