კონტე: “ტიტულის დაცვა იტალიაში უფრო ადვილია, ვიდრე ინგლისში”

ლონდონის “ჩელსის” მთავარმა მწვრთნელმა, ანტონიო კონტემ პრესასთან საუბრისას აღნიშნა, რომ სერია ა-ში დომინირება გაცილებით უფრო ადვილია, ვიდრე ინგლისის პრემიერ ლიგაში.

“ფეხბურთელები ძალიან ბევრს ცდილობენ, ყველაფერს აკეთებენ ტიტულის დასაცველად, მაგრამ ეს ძალიან რთულია. ზედიზედ ორჯერ ჩემპიონატის მოგება, იოლი ნამდვილად არ არის.

როდესაც “იუვენტუსთან” ერთად ჩემპიონები გავხდით, “მილანისგან” დიდ კონკურენციას ველოდი მომავალ სეზონში, მაგრამ ამის ნაცვლად, მათ იბრაიჰმოვიჩი და ტიაგო სილვა “პსჟ”-ს მიჰყიდეს და პირიქით, უფრო დასუსტდნენ.

მეორეჯერაც მოვიგეთ “სკუდეტო”, თუმცა უფრო ადვილად. აქ კი დროთა განმავლობაში ყველა კლუბი ძლიერდება. წელს კი ყველაფერი ძალიან რთულია,” – აცხადებს იტალიელი სპეციალისტი.