კოუტინიომ “ბარსელონა” ფირმინოს ტრანსფერის საჭიროებაში დაარწმუნა

ესპანური გამოცემა El Chiringuito ძალიან საინტერესო ინფორმაციას გვაწვდის, რომლის თანახმადაც “ბარსელონას” ბრაზილიელმა ნახევარმცველმა ფილიპე კოუტინიომ “ბარსას” ხელმძღვანელებს რობერტო ფირმინოს გადაბირებისკენ მოუწოდა.

როგორც იცით, კატალონიელთა მთავარი თავდამსხმელი ლუის სუარესი ბოლო დროს ძალიან ცუდ ფორმაშია – ურუგვაელს მხოლოდ სამი გოლი აქვს გატანილი მიმდინარე სეზონის თერთმეტ მატჩში.

რაც შეეხება რობერტო ფირმინოს, ეს უკანასკნელი იურგენ კლოპის ხელმძღვანელობით ერთ-ერთი საუკეთესოა. ამ უკანასკნელს კოუტინიოსთან, რომელთან ერთადაც 2,5 წელი თამაშობდა “ენფილდზე”, ძალიან კარგი ურთიერთობა აქვს.

ასე რომ, მიუხედავად იმისა, რომ “ბარსელონას” უფროსები ჯერჯერობით ლუის სუარესს სრულ ნდობას უცხადებენ, არაა გამორიცხული, ზაფხულში “ლივერპულიდან” “ბარსელონაში” კიდევ ერთი ვარსკვლავი გადავიდეს.