კრისტოფ დიუგარი: “ტოტი ლეგენდარული ფეხბურთელი არ არის”
საფრანგეთის ეროვნული ნაკრების ყოფილმა ფეხბურთელმა კრისტოფ დიუგარიმ ფრანჩესკო ტოტის შესახებ ისაუბრა და აღნიშნა, რომ იტალიელს ლეგენდარულ მოთამაშედ არ თვლის.
“ტოტის ლეგენდარულ ფეხბურთელებს შორის ვერ მოვიხსენიებ. ის ასეთი კარგი ფეხბურთელი რომ ყოფილიყო, “რომა” ჩემპიონატს ერთზე მეტჯერ მოიგებდა. ლეგენდები უფრო ხშირად იმარჯვებენ.
ის, რა თქმა უნდა, მშვენიერი საკლუბო მოთამაშეა, თუმცა ეს მხოლოდ რომანტიკაა. მიუხედავად იმისა, რომ ბევრი გოლი აქვს გატანილი, საუკეთესო ფეხბურთელებს შორის ვერ დავასახელებ.
კი ბატონო, ტოტი მსოფლიოს ჩემპიონი გახდა, მაგრამ ის იმ გუნდის მთავარი მოქმედი პირი არ იყო და ტურნირზე ბევრიც არ უთამაშია.
ტოტიმ საკუთარი თავი სრულად ვერ წარმოაჩინა. შესაძლოა, ეს მხოლოდ იმის გამო მოხდა, რომ მას “რომას” დატოვება არ სურდა. არც იმას გამოვრიცხავ, რომ სხვა კლუბებისგან საინტერესო შემოთავაზებები არ ჰქონია”, – ციტირებს დიუგარის სიტყვებს Football Italia.
