კროოსი: “მინდა ჩემპიონთა ლიგა მეხუთედ მოვიგო”

მადრიდის “რეალის” გერმანელი ნახევარმცველი, ტონი კროოსი, რიგით მეხუთე ჩემპიონთა ლიგის მოგებას გეგმავს. შეგახსენებთ, რომ კროოსი ევროპის ყველაზე პრესტიჟულ საკლუბო ტიტულს “რეალთან” ერთად სამჯერ, ხოლო “ბაიერნის” რიგებში ერთხელ დაეუფლა.

“როდესაც ერთხელ გამოცდი, თუ რა გრძნობაა ჩემპიონთა ლიგის მოგება, ყოველთვის გინდება იგივეს გამეორება.

შესაძლოა, რამდენიმე წელი ამ შედეგს ვერ მიაღწიო, რადგანაც სხვებსაც არანაკლებ სურთ ამის გამოცდა, მაგრამ ჩემპიონობის სურვილი არასოდეს გიქრება.

მიუხედავად იმისა, რომ უკვე ოთხჯერ მოვიგე ეს ტიტული, ჩემი მიზანი კვლავაც იგივე რჩება – მინდა, ჩემპიონთა ლიგა მეხუთედ მოვიგო. რა თქმა უნდა, ეს ძალიან რთული იქნება, მაგრამ მე ბოლომდე ვიბრძოლებ და დავიხარჯები,” -აცხადებს 31 წლის გერმანელი ვარსკვლავი.