კუენკა კარიერას “ბურსასპორში” გააგრძელებს

“ბარსელონას” აღზრდილი მოთამაშე თურქეთში გადაბარგებას უახლოვდება.

მოგეხსენებათ, გასული სეზონი ისააკ კუენკამ ესპანური “დეპორტივოს” შემადგენლობაში გაატარა, სადაც 27 მატჩში მხოლოდ ორი ბურთი გაიტანა. ახლა კი ცნობილი ხდება, რომ დიდი შანსია, 24 წლის თავდამსხმელმა საფეხბურთო კარიერა თურქეთის ჩემპიონატში გააგრძელოს.

როგორც Sky Italia-ს ჟურნალისტი ჯანლუკა დი მარციო წერს, კუენკა “ბურსასპორის” ხელმძღვანელობას პირადი ხელშეკრულების თაობაზე უკვე შეუთანხმდა, რომელიც მომდევნო სამი წლის განმავლობაში იქნება ძალაში.

ცნობილია, რომ კუენკას ყოველწლიური ანაზღაურება 500 ათასი ევრო იქნება.