კუმანი: “ყველამ იცის, რომ “ბარსელონას” გაწვრთნაზე ვოცნებობ”

ნიდერლანდების საფეხბურთო ნაკრების მთავარმა მწვრთნელმა, რონალდ კუმანმა, პრესასთან საუბრისას აღიარა, რომ “ბლაუგრანას” თავკაცობაზე ოცნებობს.

“ბევრჯერ მითქვამს, რომ “ბარსელონას” ხელმძღვანელებს ტელეფონით გავესაუბრე. თუმცა ჩემი მიზანი ნიდერლანდების ნაკრებისთვის მიცემული სიტყვის დაცვაც არის. იმედი გვქონდა, რომ ამ ზაფხულს ევროპის ჩემპიონატზე ვითამაშებდით.

კმაყოფილი ვარ ნაკრებში მუშაობით. ჩემთვის ახლა ყველაზე მნიშვნელოვანი სწორედ ეს არის. არავინ იცის, რა მოხდება მომავალში.

კონტრაქტში მაქვს გაწერილი პუნქტი, რომელიც ევროპის ჩემპიონატის შემდეგ ნაკრებიდან წასვლის უფლებას მაძლევს. ყველამ იცის, რომ “ბარსელონას” მწვრთნელობაზე ვოცნებობ,” – აცხადებს კუმანი.