კვირიკაშვილის და ჩხაიძის მეოთხე მსოფლიო თასი
მერაბ კვირიკაშვილი და გიორგი ჩხაიძე 2015 წლის მსოფლიო თასის საშეკრებო რაზმში დასახელდნენ – მსოფლიო თასი მათთვის მეოთხე ასპარეზად იქცა.
შევარდენის სანაკრებო ბაზაზე შეკრებილ 41 მოთამაშეს შორის ქართველი ფულბეკი მერაბ კვირიკაშვილი და მეორე ხაზელი გიორგი ჩხაიძე ყველაზე გამოცდილ მოთამაშეებად ითვლებიან. მათ შორის მეკოს ანგარიშზე 167 სანაკრებო კეპი და 644 რეკორდული ქულა იწერება.
მილტონ ჰეიგის მიერ დასახელებული 15 სხვა მორაგბე კი 30-ზე მეტ კეპს ითვლის.მთავარი მწვრთნელი არც ახალგაზრდა და ნაკლებად გამოცდილი მოთამაშეების დამატებას მორიდებია.
მსოფლიო რაგბის 20-წლამდელთა ალაფის ტრიუმფატორთაგან ოთხი შეკრებილ რაზმშია, რომლებმაც პორტუგალიაში გამართული სანახაობის შემდეგ ნამდვილად დაიმსახურეს სასელექციო შემადგენლობაში საკუთარი ადგილის დაკავება. არც საბა შუბითიძე გახდა გამონაკლისი, რომელმაც საშეკრებო რაზმში ადგილი თბილისის თასზე კარგი გათამაშებით მოიპოვა.
18 წლის 9 ნომერს, ვასილ ლობჟანიძეს კი შესაძლოა შანსი მიეცეს მსოფლიო თასის ისტორიაში ყველაზე ახალგაზრდა მორაგბის სახელით შევიდეს. 20-წლამდელთა ნაკრებიდან მეორე ხაზელი ოთარ გიორგაძე და 8 ნომერი ბექა გორგაძეც 41-კაციანი რაზმის რიგებში იწერებიან, მათ შორის არის ფულბეკი ირაკლი სვანიძეც.
ბორჯღალოსნების რაზმიდან 23 საფრანგეთში მოღვაწეობს, მათგან 11 კი შერკინების, ‘ტოპ 14’-ის კლუბებში მოასპარეზე ბიჭები არიან.
ჰუკერი შალვა მამუკაშვილი ინგლისის უმაღლესი ლიგის ‘სეილ შარკის’ ნაკრებში თამაშობს. შუამარბი დავით კაჭარავა – კრასნოიარსკის გუნდის წევრია. ნაკრების დარჩენილი ნაწილი კი საქართველოში აგრძელებს კარიერას.
Rugby.GE
