ლა ლიგაში სიტუაცია დაიძაბა: როგორია ფავორიტების კალენდარი?

ლეო მესის მიერ “რეალის” კარში ბოლო წუთებზე გატანილმა გოლმა (2-) ლა ლიგაში ინტრიგა დააბრუნა.

პრიმერადივიზიონის დასრულებამდე 5 ტურით ადრე, მადრიდულ და კატალონიურ გრანდებს თანაბარი 75-75 ქულა აქვთ დაგროვებული იმ განსხვავებით, რომ “რეალს” ერთით მეტი მატჩი აქვს სათამაშო.

დღეიდან, მათ მიერ დაშვებული თითოეული შეცდომა შესაძლოა, სასიკვდილო აღმოჩნდეს.

“რეალს” “ბარსაზე” უფრო რთული კალენდარი აქვს – მადრიდელები “დეპორტივოს”, “ვალენსიას”, “გრანადას”, “სევილიას”, “მალაგასა” და “სელტას” გუნდებს უნდა გაეჯიბრნონ. 6-დან “სამეფო კლუბი” მხოლოდ 2 მატჩს გამართავს საშინაო არენაზე (“ვალენსიასთან” და “სევილიასთან”).

“ბლაუგრანას” კი “ოსასუნას”, “ესპანიოლის”, “ვილიარეალის”, “ლას პალმასისა” და”ეიბარის” გუნდების წინააღმდეგ მოუწევს თამაში. 5-დან სამი მატჩი “კამპ ნოუზე” გაიმართება, ორი კი მის ფარგლებს მიღმა.