ლაგერბეკი:”ფრანგებს დიდ პრობლემებს შევუქმნით!”
დღეს “ევრო 2016” მეოთხედფინალური ეტაპის ბოლო შეხვედრა გაიმართება საფრანგეთისა და ისლანდიის ეროვნულ გუნდებს შორის. ტურნირის დასაწყისში ძალიან ცოტა თუ იფიქრებდა, რომ ეს უკანასკნელი ნაკრები აქამდე მოაღწევდა.
მას შემდეგ, რაც ისლანდიელებმა ევროპის ჩემპიონატის საკვალიფიკაციო ეტაპზე ჰოლანდიელებს, ჩეხებს და თურქებს სძლიეს, არც თუ ადვილ ჯგუფში მოხვდნენ გათამაშების ფინალურ სტადიაზე. მაგრამ ისინი მეოთხედფინალამდე დაუმარცხებლები მოვიდნენ!
ამ პატარა ქვეყნის გუნდის წარმატების ერთ-ერთი მთავარი ფაქტორი მთავარი მწვრთნელი, ლარს ლაგერბეკია, რომელმაც დღეს გასამართ მატჩზე ისაუბრა.
“დღევანდელ შეხვედრაში ფრანგები ნამდვილად არიან ფავორიტები, მაგრამ არც ისეა საქმე, რომ მათ რამე გარანტირებული ჰქონდეთ. მე შანსებს 60:40-ზე შევაფასებდი. მთავარი ჩვენთვის რწმენაა! რწმენა გამარჯვებისა, რომელიც მხოლოდ უდიდესი ბრძოლის შედეგად მოვა. ჩვენ აუცილებლად შევუქმით ფრანგებს პრობლემებს!”
ლაგერბეკს ჰკითხეს, მისი აზრით ვინ თამაშობს ყველაზე კარგ ფეხბურთს ამ ევროპის ჩემპიონატზე:”კარგი ფეხბურთი? რა არის “კარგი ფეხბურთი” და “ცუდი ფეხბურთი”? ყველა გუნდს თავისი სტილი აქვს და ყველა თავისებურად ცდილობს მიაღწიოს დასახულ მიზანს. მაგალითად, იტალიელების და პორტუგალიელების თამაში არც ისე სანახაობრივი იყო, მაგრამ ორივემ დამსახურებულად მიაღწია მეოთხედ- და ნახევარფინალამდე.”
