ლამპარდი: “სიტიში” დაგვიანებისთვის ყველაზე ხშირად აგუეროს აჯარიმებდნენ”

ლონდონის “ჩელსისა” და “მანჩესტერ სიტის” ყოფილმა ნახევარმცველმა ფრენკ ლამპარდმა “ქალაქელთა” რიგებში ყოფნის პერიოდი გაიხსენა და გუნდის ყველაზე არაპუნქტუალური ფეხბურთელიც დაასახელა.

“ვერ ვიხსენებ, ვარჯიშებზე დაგვიანებისთვის “ჩელსიში” ჯარიმას ყველაზე ხშირად ვინ იხდიდა, მაგრამ “მანჩესტერ სიტიში” ეს ნამდვილად სერხიო აგუერო გახლდათ. იგი დაჯარიმებაზე არ ღელავდა. აგუერო უდარდელი იყო, სავარჯიშო მოედნისკენ მოსეირნობდა და ხუთი წუთით აგვიანებდა.

მას ეუბნებოდნენ, რომ დაგვიანებისთვის დააჯარიმებდნენ, აგუეროსგან კი ასეთ პასუხს იღებდნენ: “კი ბატონო, დამაჯარიმეთ, პრობლემა არ არის. შაბათ-კვირას დაელოდეთ, მოედანზე გავალ, ჰეთ-თრიქს შევასრულებ და ყველას გაგახარებთ”, – ციტირებს ლამპარდის სიტყვებს “სქაი სპორტსი”.