ლაპორტა: “არჩევნებში თუ ვერ გავიმარჯვებ, მესი “ბარსელონადან” წავა”

“ბარსელონას” პრეზიდენტობისთვის მებრძოლმა ჟოან ლაპორტამ პრესასთან საუბრისას კიდევ ერთხელ სცადა ლეო მესის ფაქტორით მანიპულირება.

“ჩვენ მას შევთავაზებთ ისეთ წინადადებას, რომელიც მისთვის ზედგამოჭრილი იქნება. რა თქმა უნდა, სხვა კლუბებს ფინანსური თვალსაზრისით კონკურენციას ვერ გავუწევთ, მაგრამ ლეოსთვის ფული ყველაზე მნიშვნელოვანი არ არის.

დარწმუნებული ვარ, რომ არჩევნებში თუ ვერ გავიმარჯვებ, მესი “ბარსლონდან” წავა. მას არ მოსწონს მისტერ ფრეიშა, რადგან მის დირექტორთა საბჭოს არ სჯეროდა მესის ფენომენის.

მესის ფაქტორი შემოსავლების 30 პროცენტს განაპირობებს. მაგრამ მესიც ჩვეულებრივი ადამიანია. თუ წასვლას გადაწყვეტს, ჩვენი ცხოვრება ამით არ დასრულდება,” – განაცხადა ლაპორტამ.

შეგახსენებთ, რომ “ბარსელონას” საპრეზიდენტო არჩევნები 7 მარტს არის დანიშნული.