ლაპორტა: “ჩემი პრეზიდენტობისას “რეალი” ჩემპიონთა ლიგას ვერ იგებდა”
“ბარსელონას” პრეზიდენტობის ერთ-ერთმა მთავარმა კანდიდატმა, ჟოან ლაპორტამ, პრესასთან რამდენიმე საინტერესო საკითხზე ისაუბრა. ლაპორტა ფანებს არჩევის შემთხვევაში ჩემპიონთა ლიგის მოგებას პირდება.
“რონალდ კუმანის მომავალი? ჩვენ პატივს ვცემთ ჩვენ მწვრთნელებს, მათ სოლიდური კონტრაქტები აკავშირებთ კლუბთან. მათ სამუშაოს შედეგებისა და გუნდის თამაშის ხარისხის მიხედვით შევაფასებთ.
ჩვენ ძალიან მომთხოვნები ვიქნებით, მათდამი დიდი პატივისცემის მიუხედავად. რა თქმა უნდა, ახლა კონკრეტულ სახელებს არ დავასახელებ. ვნაოთ, როგორ განვითარდება მოვლენები.
გვინდა, რომ ჩვენი ხელმძღვანელობით გუნდს მეოთხედ მოვაგებინოთ ჩემპიონთა ლიგა. ჩემი პრეზიდენტობისას ყველა შესაძლო გათამაშება მოვიგეთ, “რეალი” ჩემპიონთა ლიგას ვერ იგებდა.
გპირდებით, რომ ყველაფერს გავაკეთებთ ამ მიზნების მისაღწევად. ჩვენი გუნდის ყოველი წევრი ბოლომდე დაიხარჯება,” – აცხადებს ლაპორტა.
