ლაშა ნოზაძე: “არაფრის არ შეგვეშინდება, ბოლომდე ვიბრძოლებთ”
“საბურთალოს” მთავარმა მწვრთნელმა ლაშა ნოზაძემ “სტიაუას” 1-0 დამარცხების შემდეგ პრესკონფერენცია გამართა.
“ფეხბურთელებს ვუხდი მადლობას. ვაჟკაცები არიან, ძალიან მაგარი ბიჭები. გვყავს გამოცდილი ფეხბურთელები და ძალიან ბევრი ახალგაზრდა, ვისთვისაც ეს თამაშები პირველი ნაბიჯებია ფეხბურთში. დამსახურებულად გავიმარჯვეთ. მათაც ჰქონდათ 2-3 კარგი მომენტი, მაგრამ მთლიანობაში, გუნდმა გამარჯვება დაიმსახურა. ეს ნახევარი ნაბიჯია და ყველას გპირდებით, ეს ბიჭები ბოლომდე იბრძოლებენ, იქაც არ შეირცხვენენ თავს და ქართული ფეხბურთის რეპუტაციის დაცვას შეეცდებიან”
“ბათუმის “დინამოს” წაგება ძალიან დასანანი იყო. ტირანაში პირველი ტაიმის შემდეგ უკვე ვიცოდით, რომ “დინამო” და “დილა” გავარდნილები იყვნენ. ბიჭებს ვუთხარი ეს ყველაფერი გასახდელში, რომ მხოლოდ ჩვენ შეგვეძლო ქართველი ხალხისთვის სიხარულის მოტანა. ამან მუხტი მისცა გუნდს და ვაჩვენეთ, რაც შეგვიძლია”
“მათაც მაღალი კლასის ფეხბურთელები ჰყავთ. ყველანაირად ვეცდებით, რომ ღირსეულად გამოვიდეთ, ვიმუშავებთ პრობლემებზე. თამამები ვიქნებით და არაფერს დავზოგავთ. მადლობა ჩემ ბიჭებს და გულშემატკივრებს. არაფრის არ გვეშინია”
