ლაშა ტალახაძე: “ჩემი ყოველი გამარჯვება გეძღვნებათ თქვენ და ჩემ საქართველოს”
ქართველმა ძალოსანმა, ლაშა ტალახაძემ გულშემატკივრებს თანადგომისათვის და სიხარულის გაზიარებისათვის მადლობა გადაუხადა.
როგორც იცით, ტალახაძე რამდენიმე დღის წინ მსოფლიო ჩემპიონი კარიერაში მესამედ გახდა და 7 რეკორდიც დაამყარა.
“ჩემო ძვირფასო და ერთგულო გულშემატკივარო, მადლობა თანადგომისთვის, ჩემი წარმატებისა და სიხარულის გაზიარებისთვის.
თქვენი ყოველი კეთილი სიტყვა მე მაძლიერებს და ვგრძნობ მეტ პასუხისმგებლობას ჩემი საქართველოს წინაშე. სიტყვას დიდი ძალა აქვს. მე ჩემ თავზე გამოვცადე კარგიც და მძიმედ მოსასმენი შეფასებები. სპორტში მეტოქის პატივისცემა მნიშვნელოვანია, ჩაგვრა მიუღებელია და ეს პრინციპებია, რითაც მე ვცხოვრობ. შეურაცხყოფა, ძალადობა, ქვეყნის სიყვარულში უსაფუძვლოდ ეჭვის შეტანა მიუღებელი და დამამცირებელია. მე ყოველთვის ვიდგები სიკეთის და სიყვარულის მხარეს. თქვენი სიყვარული ყველაზე დიდი ჯილდოა ჩემთვის.
ჩემი ყოველი გამარჯვება გეძღვნებათ თქვენ და ჩემ საქართველოს”, – წერს ტალახაძე Facebook-ში.
