ლაშა ტალახაძე: “მწვრთნელს არ დავუჯერე, ეს ჩემთვის კარგი გაკვეთილი იყო”
ქართველმა ძალოსანმა ლაშა ტალახაძემ ევროპის ჩემპიონატისასთვის მოსამზადებელ ეტაპზე მიღებული ტრავმის შესახებ ისაუბრა.
როგორც იცით, 5 ივნისს ტალახაძე ევროპის ჩემპიონი ზედიზედ მეექვსედ გახდა, თუმცა ამ ტრიუმფამდე ერთი თვით ადრე მან კუნთის უმძიმესი ტრავმა მიიღო.
“ტრავმის მიღებამდე ძალიან კარგ ფორმაში ვიყავი. ვარჯიშისას, ერთ მისვლაზე ჩვენს მთავარ მწვრთნელს [გიორგი ასანიძეს] არ დავუჯერე. მან მითხრა, რომ წონის ასაწევად არ მივსულიყავი, მაგრამ მინდოდა ის შეკრება კარგად დამესრულებინა. რა თქმა უნდა, როცა ასეთ წონებზე ვარჯიშობ, დაზღვეული არაფრისგან ხარ. ეს ჩემი შეცდომა იყო. აქედან გამომდინარე, ფეხის ტრავმა მივიღე.
ეს ჩემთვის ძალიან კარგი გაკვეთილი იყო. სერიოზული ტრავმა აქამდე არასოდეს მიმიღია, ამიტომ ფსიქოლოგიურად უფრო გამიჭირდა, ვიდრე ფიზიკურად.
წინ საქართველოსა და მსოფლიოს ჩემპიონატები გვაქვს. მე მზად ვარ, რომ ასპარეზობა გავაგრძელო. ფსიქოლოგიურად, ვირწმუნე, რომ ერთად კიდევ უფრო მეტის გაკეთება შეგვიძლია. შეჯიბრის შემდეგ აღარაფერი მაწუხებს. პირიქით, დავრწმუნდი, რომ მეტი შემიძლია”, – განაცხადა 28 წლის სპორტსმენმა პირველი არხის ეთერში.
