“ლაციოს” პრეზიდენტი შვიდთვიანი, ექიმები კი ერთწლიანი დისკვალიფიკაციით დასაჯეს

საინფორმაციო სააგენტო ანსა იუწყება, რომ რომის “ლაციოს” პრეზიდენტი კლაუდიო ლოტიტო კორონავირუსის პროტოკოლის დარღვევის გამო შვიდთვიანი დისკვალიფიკაციით დასაჯეს.

კლუბის ექიმებს – ფაბიო როდიასა და ივო პულჩინის ერთი წლის ვადით პროფესიული საქმიანობის უფლება შეუჩერეს. “ლაციო” 150 ათასი ევროს ოდენობით დააჯარიმეს. კლუბი ქულების დაკლებას გადაურჩა.

გამოძიების შედეგად ლოტიტოსა და კლუბის სამედიცინო შტაბის წევრების მიერ კორონავირუსის პროტოკოლს უხეშად დარღვევის ფაქტები გამოვლინდა. კერძოდ, “ლაციო” კორონავირუსის ტესტების დადებითი შედეგების შესახებ ინფორმაციას მალავდა, არ ახდენდა დაინფიცირებული ფეხბურთელების იზოლაციას და მათ დანარჩენ მოთამაშეებთან ერთად საწვრთნელი პროცესის გავლის საშუალებას აძლევდა.

“ლაციო” აღნიშნული გადაწყვეტილების გასაჩივრებას აპირებს.