ლავესის მთელი წლის განმავლობაში გოლი არ გაუტანია, მაგრამ 25 მილიონამდე ევრო გამოიმუშავა

ჩინურ “ჰებეი ჩაინა ფორჩუნში” ესეკიელ ლავესის გადასვლა შეგვიძლია, ბოლო პერიოდის ერთ-ერთ ყველაზე ცუდ ტრანსფერად შევაფასოთ.

17 თებერვალს ერთი წელი გავა, რაც არგენტინელი თავდამსხმელი “პარი სენ-ჟერმენიდან” ჩინურ კლუბში გადავიდა. ამ ხნის განმავლობაში 31 წლის ფეხბურთელმა “ჰებეი ჩაინა ფორჩუნის” რიგებში მხოლოდ ათი მატჩი ჩაატარა, თუმცა გოლი არ გაუტანია. ასეთი ცუდი შედეგის მიუხედავად, ესეკიელ ლავესიმ წლის განმავლობაში ხელფასის სახით 24,4 მილიონი ევრო მიიღო.

შეგახსენებთ, რომ ესეკიელ ლავესიმ “ნაპოლის” შემადგენლობაში 188 მატჩი ჩაატარა და 46 გოლი გაიტანა, “პარი სენ-ჟერმენის” რიგებში ჩატარებულ 161 შეხვედრაში კი 35 გატანილი ბურთი მიითვალა.