ლეო მესიმ ხავის რეკორდი დაამხო

ლეო მესის სახელი “ბარსელონას” ისტორიაში ოქროს ასოებით კიდევ ერთხელ ჩაიწერა. არგენტინელმა სუპერვარსკვლავმა ამჯერად ხავი ერნანდესის რეკორდი დაამხო.

“რეალ სოსიედადთან” ჩატარებული ბრწყინვალე მატჩი რიგით 768-ე გახდა მესისთვის “ბარსელონას” მაისურით. ეს კი აბსოლუტური რეკორდი გახლავთ.

ამ დროისთვის 33 წლის არგენტინელ გოლეადორს 768 მატჩიდან 537 მათგანში აქვს გამარჯვება მოპოვებული, 140 შეხვედრა ფრედ დასრულდა, ხოლო 91-ში ლეო დამარცხდა.

ყველაზე მეტჯერ მესის “ბარსელონას” მაისურით ლა ლიგაში აქვს ნათამაშები (511). ჩემპიონთა ლიგაზე მესიმ “ლურჯ-ბროწეულისფერი” მაისური 149 შეხვედრაში მოირგო, კოპა დელ რეიზე 79 მატჩი დაუგროვდა, 20 – ესპანეთის სუპერ თასზე, 5 – მსოფლიოს საკლუბო ჩემპიონატზე, ხოლო 4 – ევროპის სუპერ თასზე.