“ლესტერმა” კლუბის რამდენიმე ქომაგს მატჩებზე დასწრება აუკრძალა
თარიღი: აპრილი 17, 2016
“ლესტერ სიტიმ” კლუბის რამდენიმე ქომაგს რამდენიმე წლის ვადით გუნდის მატჩებზე დასწრება აუკრძალა. მიზეზი კი ის გახლავთ, რომ გულშემატკივრებმა 7 მაისს, “ევერტონის” წინააღმდეგ გასამართ სეზონის დასკვნით საშინაო შეხვედრაზე დასასწრები ბილეთების გადაყიდვა მოინდომეს.
ორი ბილეთის შეძენა ინტერნეტში 15 ათას ფუნტად იყო შესაძლებელი.
ცნობისთვის, “ლესტერის” საშინაო მატჩებზე დასასწრები ბილეთების ფასი სრულწლოვნებისთვის 30-50 ფუნტს, არასრულწლოვნებისთვის კი 5-15 ფუნტს შეადგენს. სეზონის ბოლო სამ მატჩზე დასასწრები ბილეთები სრულად რეალიზებულია.
“ლესტერს” პრემიერლიგის ჩემპიონობისთვის მომდევნო ხუთ ტურში სამი გამარჯვება ჰყოფნის.
მსგავსი სიახლეები