ლევან ისერგიშვილი: “ჩემი დრო ახლა მოვიდა და ვცდილობ გამოვიყენო”

თარიღი: ნოემბერი 3, 2019

ეროვნული ლიგის აუტსაიდერის, თბილისის “ვიტ ჯორჯიას” კარს 25 წლის ლევან ისერგიშვილი იცავს, რომელიც ქართულმა საფეხბურთო სამყარომ უმეტესად მიმდინარე სეზონიდან გაიცნო. მიუხედავად იმისა, რომ “ვიტ ჯორჯია” უკვე გავარდა, ისერგიშვილს კარიერაში საუკეთესო სეზონი აქვს და საოცრად გამოიყურება. მისთვის გოლის გატანა ნამდვილად ძალზე რთულია და ამაში ბათუმშიც დარწმუნდნენ, როდესაც 40-ჯერ მაინც დაარტყეს მისი კარის მიმართულებით. Fanebi.com-მა მასთან ინტერვიუ ჩაწერა და სხვადასხვა საინტერესო საკითხზე ვისაუბრეთ.

– ლევან, თქვენ შესახებ საფეხბურთო სამყარომ ყველაზე კარგად მიმდინარე სეზონში გაიგო, როდესაც “ვიტ ჯორჯიას” მთავარი მეკარე გახდით. მოგვიყევით თქვენ შესახებ, სად დაიწყეთ კარიერა, სად თამაშობდით…

– ფეხბურთის თამაში “სამთავისში” დავიწყე, 6 წლის ვიყავი. შემდეგ იყო გორის გუნდი, რომელსაც მხოლოდ თამაშებზე ვემატებოდი. შემდეგ თბილისის “ოლიმპი” და “ვიტ ჯორჯია”. “ვიტ ჯორჯიაში” უკვე 9 წელია, რაც ვთამაშობ.

– ვინც “ვიტ ჯორჯიას” თამაშებს თვალს ადევნებს, ყველა დაინახავდა, რომ ახლო მანძილიდან და მაშინ, როცა კარი ნახევრად დაუცველია, თავდამსხმელების დარტყმების მოგირიება საოცრად გამოგდით. როგორ ახერხებთ ამას?

– ყველაფერი ღმერთის ნებაა და დარწმუნებული ვარ, ღმერთი მეხმარება ამაში. ამასთანავე, გრიგოლ ბედიაშვილი მაქსიმალურად მეხმარება, რომ ეს ბურთები ავიღო. ბედი ჩვენი მეკარეთა მწვრთნელია და მისი დიდი დამსახურებაა ამ ყველაფერში.

– ბოლო მატჩში, ბათუმში, პრაქტიკულად ყოველ 5 წუთში ერთხელ თქვენი კარის მიმართულებით ბურთი მოფრინავდა. პენალტის აღებაც მოახერხეთ, თუმცა მხოლოდ დამატებაზე გაუშვით გოლი. როგორ ფიქრობთ, რატომ ვერ ამჩნევდნენ გასულ წლებში ისერგიშვილს თუ მიმდინარე სეზონში განიცადეთ უდიდესი პროგრესი?

– ძალიან კარგი კითხვაა. მოდი ასე ვთქვათ, ალბათ, ასე უნდა მომხდარიყო. ყველაფერს თავისი დრო აქვს. ჩემი დრო ახლა მოვიდა და მე ვცდილობ გამოვიყენო.

– “ვიტ ჯორჯია” ბოლო ადგილზეა, გავარდა, მაგრამ გუნდი ბოლო მატჩებში ძალიან ცოტა გოლს უშვებს, თქვენ გუნდის აშკარა ლიდერად ჩამოყალიბდით და რამდენიმე მატჩში საუკეთესო მოთამაშედ დაგასახელეს. ხომ არ ყოფილა უკვე დაინტერესება თქვენ მიმართ სხვადასხვა კლუბიდან?

პირველ რიგში მინდა აღვნიშნო, რომ გუნდის ნაკლები გოლის გაშვება მხოლოდ ჩემი დამსახურება არაა. ამ ყველაფერში უდიდეს წვლილს გუნდის მცველები იღებენ და ერთად ვიბრძვით. რაც შეეხება შეთავაზებას – არა, არ მქონია.

– “ვიტ ჯორჯიას” პრაქტიკულად 4 თვეში ახალი გუნდის გაკეთება მოუწია და როგორც მოსალოდნელი იყო, გავარდა. შეუძლია გუნდს ამ შემადგენლობით ეროვნულ ლიგაში დაბრუნება?

– ვფიქრობ, შეუძლია, თუმცა აუცილებელი იქნება რამდენიმე ფეხბურთელის დამატებაც. თუ შენარჩუნდება გუნდის ძირითადი ბირთვი, “ვიტ ჯორჯია” კვლავ დაბრუნდება და გაცილებით უფრო ღირსეულად.

– ეროვნული ლიგიდან რომელ მეკარეს გამოარჩევდით?

– მიშა ალავიძესა და როინ კვასხვაძეს. მიშა ყოველთვის სტაბილურია და ეს გამოარჩევს მას. როინი კი ნამდვილი კაპიტანია.

– ეროვნული ლიგის განვითარებაზეც ვისაუბროთ. იზრდება ჩემპიონატის დონე წლიდან წლამდე? და საჩემპიონო ბრძოლაში, როგორ ფიქრობთ, ვინ გაიმარჯვებს?

– ძალიან კარგი და სწორი რეფორმები მიდის ფეხბურთის განვითარების მხრივ. ქართული ფეხბურთი გასულ წლებში, როდესაც მოედნები არ იყო, გადაღება, ფაქტობრივად არ იყო ფულიც, ერთნაირი ბურთებით თამაშიც კი დიდი პრობლემა გახლდათ. ქართული ფეხბურთი დღეს, როდესაც ახალი სტადიონები შენდება, ყველა თამაშის პირდაპირი ტრანსლირება ხდება და რაც მთავარია, მეტი ფული იდება, რომელიც ფეხბურთს ასე სჭირდება. გასული წლების პერიოდი და დღევანდელი დრო რომ შევადარო, ვფიქრობ, ძალიან დიდ განსხვავებას დავინახავთ. იმედი მაქვს სულ მალე დადგება ის დრო, როდესაც ქართულ კლუბებს ევროტურნირებზე ვიხილავთ.

ბათუმში ვიგრძენი, რომ ხალხი მოწყურებულია ჩემპიონობას, ამასთანავე “დინამო” და “საბურთალოც” საკმაოდ კარგი გუნდებია. ყველას აქვს მისი შანსი.

– როგორი გრძნობა იყო სავსე ტრიბუნების წინ თამაში? და რა განსხვავებაა, მაშინ როცა თამაშს მხოლოდ 20-25 კაცი ესწრება.

– მინდა დიდი სიყვარული გამოვხატო ბათუმის “დინამოს” ქომაგების მიმართ. მათ ნამდვილად უყვართ ფეხბურთი და ეს მაშინ დავრწმუნდი, როცა მათ საყვარელ გუნდს, ალბათ, საჩემპიონო ქულა დავაკარგვინეთ, მაგრამ დააფასეს ჩვენი თავდადება და ტაშით გამოგვაცილეს. ეს არასდროს დამავიწყდება.

სიმართლე გითხრათ, მე სავსე ტრიბუნების წინ თამაშის დროს დაძაბულობა მთლიანად მეხსენება და ბევრად მეტ სიამოვნებას ვიღებ ფეხბურთისგან, ვიდრე ცარიელი ტრიბუნის წინაშე. ეს მართლაც საოცარია.

– თქვენი საფეხბურთო კუმირი ვინ გახლავთ? იყო მეკარე, ვისაც ბაძავდით?

ღრმა ბავშვობაში პირველი მეკარე ვინც მიყვარდა, ფრანჩესკო ტოლდო იყო, მაგრამ მანუელმა ნოიერმა ყველაფერი შეცვალა.

– ამბობენ, მეკარეობა ცხოვრების წესის არისო. ეთანხმები?

მეკარეობა დიდი პასუხისმგებლობაა და უდიდეს წნეხს განიცდის მეკარე. მასზე უამრავი რამ არის დამოკიდებული. შენ პრაქტიკულად გუნდის ბოლო იმედი ხარ, ხოლო, ნაკრებში თამაშის დროს, ქვეყნის კარი გაბარია.

– საფეხბურთო ოცნება, მიზანი, ნაკრებში თამაშია?

ნამდვილად. ეროვნულ ნაკრებში თამაშზე ყოველთვის ვოცნებობდი. მიზანი კი ერთი მაქვს. ვიბრძოლო, ვიშრომო, ვითამაშო და წვლილი შევიტანო ქართული ფეხბურთის განვითარებაში, როგორც შევძლებ. დღეს, რომ თუნდაც რამდენიმე ადამიანმა იცის ჩემი სახელი, ეს ერთი დიდი ოჯახის დამსახურებაა, რომელსაც “ვიტ ჯორჯია” ჰქვია და მინდა თითოეულ “ვიტ ჯორჯიელს” მადლობა გადავუხადო ამისთვის.

მსგავსი სიახლეები
ფეხბურთი

ევრო-2020-ის მასპინძელი ქალაქებიდან ბილბაო მოიხსნა

ბილბაოს საკრებულომ გამოაცხადა, რომ უეფამ ეს ესპანური ქალაქი ევროპის ჩემპიონატის მასპინძელი ქალაქებიდან მოხსნა. “დღეს უეფამ […]...
წაკითხვა
ფეხბურთი

ქეცბაიამ “ანორთოსისი” თასის ფინალში გაიყვანა

ქართველების “ანორთოსისი” კვიპროსის თასის ფინალში ითამაშებს. დღეს “ანორთოსისმა” სტუმრად “აპოელი” 1-3 დაამარცხა და 2...
წაკითხვა
ფეხბურთი

ჟოზე მოურინიოს ავტომობილების კოლექცია (ფოტო)

ყველა დროის ერთ-ერთი საუკეთესო მწვრთნელს, ჟოზე მოურინიოს ავტომობილები ძალიან უყვარს. თუმცა, პორტუგალიელი ამბობს, რომ მას […]...
წაკითხვა
ფეხბურთი

ხვიჩა კვარაცხელიამ ლუიშ ფიგუს შეკითხვა ქართულად დაუსვა – პორტუგალიელის პასუხი (ვიდეო

Youtube-ში, ერთ-ერთ რუსულ არხზე ვიდეო გამოქვეყნდა, სადაც ვეტერანი ფეხბურთელი ლუიშ ფიგუ რუსეთში მოთამაშე ფეხბურთელებს, სპორტსმენებსა […]...
წაკითხვა
ფეხბურთი

ანიელი: “იუვემ”, “მილანმა” და “ინტერმა” ბოლო 100-დან 8

ტურინის “იუვენტუსის” პრეზიდენტმა და სუპერლიგის ვიცე-პრეზიდენტმა, ანდრეა ანიელიმ, ევროპის სუპერლიგის ჩაშლილ პროექტზე საჯაროდ ისაუბრა. ̶...
წაკითხვა
ფეხბურთი

უცნაური შემთხვევა – როგორ შეასრულა ჩელებაძემ პენალტი “დინამოსთან” მატჩში

დღეს, 21 აპრილს, საქართველოს თასის 1/16-ფინალში ქობულეთის “შუქურამ” ზესტაფონში თბილისის “დინამოს” უმასპინძლა და მეტოქე 1:0 [&h...
წაკითხვა
ფეხბურთი

ხვიჩა კვარაცხელია რამდენიმე კვირას იუქმებს

ყაზანის “რუბინმა” ხვიჩა კვარაცხელიას ტრავმის შესახებ ოფიციალური განცხადება გამოაქვეყნა. “ხვიჩა კვარაცხელიას რამდენიმე კვირის გამოტოვ...
წაკითხვა
ფეხბურთი

ოფიციალურად: “ატლეტიკომ” და “ინტერმა” სუპერლიგა დატოვეს

სუპერლიგა კიდევ ორმა კლუბმა დატოვა. მადრიდის “ატლეტიკომ” და მილანის “ინტერმა” დღეს განცხადებები გამოაქვეყნეს და ამის […...
წაკითხვა
ფეხბურთი

ქრონოლოგია – კლუბები, რომლებმაც სუპერლიგა ოფიციალურად დატოვეს

გვიან ღამით ინგლისურმა კლუბებმა ერთმანეთის მიყოლებით გამოაცხადეს იმის შესახებ, რომ ისინი ევროპის სუპერლიგიდან გადიან. თავდაპირველად, […]...
წაკითხვა
ფეხბურთი

“მანჩესტერ იუნაიტედი” ედ ვუდვორდის გამოსამშვიდობებელ წერილს აქვეყნებს

“მანჩესტერ იუნაიტედის” ვიცე-პრეზიდენტმა, ედ ვუდვორდმა, პრესაში მისი გადადგომის თაობაზე ჭორების გავრცელების შემდეგ პირველი კომენტარი გააკეთ...
წაკითხვა
ფეხბურთი

სუპერლიგა ოფიციალურად კიდევ ოთხმა კლუბმა დატოვა

“მანჩესტერ სიტის” შემდეგ სუპერლიგა კიდევ ოთხმა ინგლისურმა კლუბმა დატოვა. პროექტზე უარი “მანჩესტერ იუნაიტედმა”, “ლივერპულ...
წაკითხვა
ფეხბურთი

“შალკე” ბუნდესლიგიდან გავარდა

გერმანიის ბუნდესლიგის 30-ე ტურის შეხვედრაში ბილეფილდის “არმინიამ” გელზენკირხენის “შალკე” ანგარიშით 1:0 დაამარცხა. სატურნირო ცხ...
წაკითხვა
ფეხბურთი

“მანჩესტერ სიტი” სუპერლიგას ტოვებს – უეფას პრეზიდენტმა კომენტარი გააკეთა

“მანჩესტერ სიტი” პირველი კლუბია, რომელმაც დაადასტურა, რომ ევროპის სუპერლიგას ტოვებს. ამის შესახებ მათ საზოგადოებას ოფიციალური […]...
წაკითხვა
ფეხბურთი

ჩისკომ ლიდერი დაამარცხა და “უოტფორდს” პრემიერ ლიგაში აბრუნებს!

ჩისკო მუნიოსის “უოტფორდმა” ჩემპიონშიპის ლიდერი “ნორვიჩ სიტი” სტუმრად 0-1 დაამარცხა და პრაქტიკულად პრემიერ ლიგაში დაბრუნდა. [&h...
წაკითხვა
ფეხბურთი

მაკგრეგორი: “მანჩესტერ იუნაიტედის” შეძენაზე ვფიქრობ!”

UFC-ის ყოფილი ჩემპიონი, კონორ მაკგრეგორი, პრესაში “მანჩესტერ იუნაიტედის” ვიცე-პრეზიდენტის, ედ ვუდვორდის, დათხოვნასთან დაკავშირებით გავრცელ...
წაკითხვა