ლევან მჭედლიძე: “იმედი მაქვს, მომდევნო ტურში თამაშს შევძლებ”

თარიღი: მარტი 29, 2017

იტალიური “ემპოლის” ქართველ ლეგიონერს, ლევან მჭედლიძეს უკვე თითქმის ორი თვეა არ უთამაშია. მან სერია ა-ს 23-ე ტურში (“ტორინოს” წინააღმდეგ) მიიღო ტრავმა და კლუბში ექვსი შეხვედრა გამოტოვა. გარდა ამისა, ლევანს არც ეროვნული ნაკრების ბოლო ორ დაპირისპირებაში მიუღია მონაწილეობა.

გაირკვა, რომ მჭედლიძემ რეაბილიტაციის კურსი დაასრულა. იგი, დიდი ალბათობით, სერია ა-ს მომდევნო ტურში “რომას” წინააღმდეგ ითამაშებს.

“ტრავმა ძალიან ცუდ დროს მივიღე და საშინელი პერიოდი გავიარე. საბედნიეროდ, ყველაფერი დასრულდა. იმედი მაქვს, ჩემი გუნდის დახმარებას მომავალ ტურში შევძლებ,” – განაცხადა ქართველმა ლეგიონერმა.

მსგავსი სიახლეები