ლინეკერი გერმანიის ნაკრების გაჩემპიონებაზე: “ეს უკვე მოსაწყენი ხდება”

ინგლისის ნაკრების ყოფილი თავდამსხმელი და ამჟამად ფეხბურთის ექსპერტი გარი ლინეკერი კონფედერაციათა თასზე გერმანიის ნაკრების გამარჯვებას გამოეხმაურა.

ოჰ, ღვთის გულისათვის, გერმანია. ეს უკვე მოსაწყენი ხდება”, – დაწერა სოციალურ ქსელში ლინეკერმა.

შეგახსენებთ, რომ 2017 წლის კონფედერაციათა თასის ფინალურ მატჩში გერმანიის ნაკრებმა ლარს შტინდლის მიერ გატანილი ერთადაერთი გოლის წყალობით ჩილე 1:0 დაამარცხა და ეს ტურნირი ისტორიაში პირველად მოიგო.

შეგახსენებთ 1990 წელს ლინეკერის მიერ თქმულ ერთ ფრთიან ფრაზასაც:

“ფეხბურთი მარტივი თამაშია. 22 კაცი 90 წუთის განმავლობაში დასდევს ბურთს და ბოლოს გერმანელები იმარჯვებენ”.