ლინეკერი ინგლისელ ფანებს: “გთხოვთ, ნუ დაუსტვენთ იტალიის ჰიმნის დროს”
11 ივლისს, ევროპის 2020 წლის ჩემპიონატის ფინალში ერთმანეთს იტალიისა და ინგლისის ნაკრებები დაუპირისპირდებიან. მატჩი ლონდონში, “უემბლიზე” ჩატარდება.
მიმდინარე ევრო 2020-ზე, “უემბლიზე” ჩატარებული რამდენიმე მატჩის დაწყების წინ ინგლისელი ფანების ნაწილი მეტოქე გუნდის ჰიმნის დროს უსტვენდა. სწორედ ამიტომ, ვეტერანმა ფეხბურთელმა და ამჟამად მიმომხილველმა გარი ლინეკერმა მათ მიმართა.
“თუ იმდენად გაგიმართლათ, რომ ფინალზე დასასწრები ბილეთები გაქვთ, გთხოვთ, ნუ დაუსტვენთ იტალიის ჰიმნის დროს. ეს ჰიმნი შესანიშნავია და ღირს, რომ მოუსმინოთ. ჰიმნის დროს სტვენა ძალიან უზრდელური, უპატივცემულო და უკულტურო საქციელია”, – წერს ლინეკერი Twitter-ში.
If you’re lucky enough to get a ticket for the final, please, please don’t boo the Italian anthem. A/ It’s an absolute belter and worth listening to. B/ It’s bloody rude, disrespectful and utterly classless.
— Gary Lineker 💙 (@GaryLineker) July 8, 2021
