ლიონელ მესი: “პენალტებზე უნდა ვიმუშავო”

კატალონიის “ბარსელონას” არგენტინელმა სუპერვარსკვლავმა ლეო მესიმ ფეხბურთის იმ ასპექტზე ისაუბრა, რომელიც სურს, რომ უფრო დახვეწოს. როგორც ჩანს, ეს ელემენტი პენალტების შესრულებაა.

“პენალტებზე უნდა ვიმუშავო. უფრო ეფექტური უნდა ვიყო. პენალტების შესრულება ძალიან რთული რამ არის. დარტყმებზე ვარჯიში ერთია, მათი შესრულება მატჩის მიმდინარეობისას კი მეორე.

მოდეანზე, თერთმეტმეტრიანის შესრულებისას შენზე ძალიან ბევრი ფაქტორი მოქმედებს. შესაძლოა, ყველაფერი გათვალო, მაგრამ ეს ცხოვრებაა და ყველაფერი ისე ვერ გამოდის, როგორც გვინდა.

დღეს მეკარეები ისეთ ბურთებს იღებენ, რომ მსგავს რამეს ადრე ვერავინ წარმოიდგენდა. პენალტები სწორედ ის კომპონენტია, რომლის გამოსწორებაც აუცილებლად მჭირდება,” – აცხადებს ლეო მესი.

ცნობისთვის გეტყვით, რომ კარიერის მანძილზე მესიმ 88 პენალტიდან 71 მათგანის რეალიზება შეძლო გოლად (80%).