“ლივერპული”: რაჰიმ სტერლინგს ბუნდესლიგის ვარსკვლავი შეცვლის
“ლივერპული” რაჰიმ სტერლინგის ტრანსფერში აღებულ ფულს ხმაურიანი ტრანსფერისთვის დახარჯავს.
მერსისაიდული გუნდი კიდევ ერთხელ განიხილავს გერმანელი 26 წლის ვარსკვლავის, მარკო როისის ტრანსფერის საქმეს. ერთი წლის წინაც, ბრიტანულმა პრესამ როისი “ლივერპულს” დაუკავშირა, როგორც ჩანს ჭორები არ ცხრება.
მიუხედავად იმისა, რომ მარკომ “ბორუსიასთან” ზამთარში გაახანგრძლივა, ინგლისელებს საკმაოდ ძლიერი არგუმენტები აქვთ ფეხბურთელის გადასარწმუნებლად. “წითლები” სულ მალე “მან.სიტის” რაჰიმ სტერლინგს 50 მილიონად მიჰყიდიან და ამ ფულს მთლიანად ახალგაზრდა შემტევის ტრანსფერში დახარჯავენ.
ბრენდან როჯერსმა ცოტა ხნის წინ ბუნდესლიგიდან შემადგენლობა რობერტო ფირმინოთი გააძლიერა, ხოლო ახლა მას მარკო როისის დამატება ძალიან სურს.
ნაკლებად სავარაუდოა, ბუნდესნაკრების წევრმა “ლივერპული” აირჩიოს. მას ისეთი გუნდები ეპატიჟებიან, როგორებიც არიან “პსჟ” და “ბარსელონა”.
