“ლივერპულმა” გუნდის პირველი ფორმის მოტივებზე შეკერილი ახალი მაისური წარადგინა (ფოტო)

“ლივერპულმა” კლუბის 125 წლის იუბილესთან დაკავშირებით რეტრო-მაისური წარადგინა, რომელიც 1892 წლის ფორმის მოტივებზე დაფუძნებით შეიკერა. მაისურს გრძელი სახელოები აქვს და ის თეთრ და ცისფერ ფერებშია გადაწყვეტილი. სწორედ ასეთი ფორმით თამაშობდნენ მერსისაიდელები გუნდის შექმნიდან მომდევნო ხუთი წლის განმავლობაში.

“ლივერპული” ინგლისის ერთ-ერთი ყველაზე წარმატებული გუნდია. “წითლებს” 18-ჯერ აქვთ მოგებული ინგლისის ჩემპიონატი, შვიდჯერ კი ფეხბურთის ასოციაციის თასი, რვაჯერ დაისაკუთრეს ლიგის თასი, 15-ჯერ ქვეყნის თასი. “ლივერპულს” ჩემპიონთა ლიგა ხუთჯერ აქვს მოგებული, რაც ინგლისურ გუნდებს შორის საუკეთესო მაჩვენებელია. მერსისაიდელები სამ-სამჯერ გახდნენ უეფას თასისა და სუპერთასის მფლობელნი.