“ლივერპულმა” საკუთარ კედლებში “საუთჰემპტონი” გაანადგურა (ვიდეო)

“ენფილდზე” ჯერჯერობით დაუმარცხებელი “ლივერპულისა” და ექვსეულისთვის მებრძოლი “საუთჰემპტონის” დაპირისპირება გაიმართა. იურგენ კლოპის ბიჭებმა კიდევ ერთხელ დაგვიმტკიცეს, რომ ჩემპიონობისთვის აცხადებენ პრეტენზიას და “წმინდანები” უშანსოდ დაამარცხეს.

“პარი სენ-ჟერმენთან” მოგებული მატჩის მსგავსად, “წითლებმა” ამჯერადაც სწრაფ გოლზე გააკეთეს აქცენტი. შედეგად, შეხვედრის მეათე წუთზე ჰოიდტმა საკუთარ კარში ჩაჭრა ბურთი, რასაც ჯოელ მატიპის მიერ 21 წუთზე გატანილი გოლი მოჰყვა. ტაიმის მიწურულს თავი “ლივერპულის” ლიდერმა, მოჰამედ სალაჰმაც გამოიჩინა და საბოლოო ანგარიშიც დაფიქსირდა – 0-3.

ასე რომ, “ლივერპულს” ექვსი ტურის შემდეგ 18 ქულა უგროვდება, “საუთჰემპტონს” – ხუთი. მომდევნო ტურში “ლივერი” “ჩელსის” ეწვევა, რომელიც ასევე უდანაკარგოა, “საუთჰემპტონი” – “ვულვზს” დაუპირისპირდება.