“ლივერპულმა” The Sun-ის ჟურნალისტებს “ენფილდზე” გამოჩენა აუკრძალა

თარიღი: თებერვალი 10, 2017

The Independent-ის მიერ მოპოვებული უახლესი ინფორმაციის მიხედვით, “ლივერპულის” ხელმძღვანელებმა The Sun-ის ჟურნალისტები შავ სიაში ოფიციალურად შეიყვანეს.

როგორც ცნობილი ხდება, აღნიშნული გამოცემის ჟურნალისტებს არა მარტო “ენფილდზე” გასამართ მატჩებზე დასწრების უფლება, არამედ კლუბის რომელიმე ფეხბურთელთან საუბარიც შეეზღუდებათ.

როგორც იცით, “წითლები” The Sun-ის რედაქციას ჰილსბროს ტრაგედიის შემდეგ მტრობენ – “სანის” ჟურნალისტებმა 1989 წლის 19 აპრილს, 96 ადამიანის ტრაგიკულად დაღუპვიდან 4 დღის შემდეგ, ვრცელი სტატია მიუძღვნეს თემას სახელწოდებით “სინამდვილე”, სადაც არაერთი ცრუ ინფორმაცია იყო გამოქვეყნებული, რაც დაღუპულთა ხსოვნას შეურაცხყოფდა.

მსგავსი სიახლეები