ლორისი: “თითს არავისკენ ვიშვერთ”

საფრანგეთის ნაკრების კაპიტანმა უგო ლორისმა შვეიცარიასთან განცდილი მარცხის შემდეგ კომენტარი გააკეთა.

როგორც იცით, ევროპის ჩემპიონატის მერვედფინალში შვეიცარია – საფრანგეთის დაპირისპირების ძირითადი დრო ფრედ 3:3 დასრულდა. საქმე პენალტების სერიამდე მივიდა, სადაც შვეიცარიელებმა გაიმარჯვეს.

“ბოლომდე დავიხარჯეთ. პენალტების სერია ლატარიაა. არ გაგვიმართლა. ახლა საჭიროა, რომ მარცხისგან გამოწვეული ტკივილი ვმართოთ. როცა ანგარიში 3-1 იყო, მატჩი უნდა დაგვესრულებინა, მაგრამ ეს ფეხბურთია და სწორედ ამიტომაც გვიყვარს ის. დღეს ძალიან მტკივნეული მარცხი ვიწვნიეთ.

მბაპეს პენალტი? ჩვენ ერთად ვიმარჯვებთ და ერთად ვმარცხდებით. ყველანი ერთად ვართ პასუხისმგებელნი იმაზე, რომ ამ ეტაპიდან გამოვვარდით. თითს არავისკენ ვიშვერთ. მართალია, ტრავმებთან ბრძოლა გვიწევდა, მაგრამ ამით თავს ვერ გავიმართლებთ”, – განაცხადა ლორისი.