ლოვრენი: “ასეთი რამ არასოდეს გამომიცდია, ესპანელები ფიქრობდნენ, რომ…”

ხორვატიის ნაკრების მცველმა, დეიან ლოვრენმა ესპანეთის ნაკრებთან მატჩის შემდეგ განაცხადა, რომ მორატას გარდა მისი გუნდისათვის გამარჯვება არცერთ მეტოქეს არ მიულოცია.

შეგახსენებთ, რომ 15 ნოემბერს, უეფას ერთა ლიგის მატჩში ხორვატიის ნაკრებმა საკუთარ მოედანზე ესპანეთი 3:2 დაამარცხა. ხორვატებმა გამარჯვების მომტანი გოლი 93-ე წუთზე გაიტანეს, თავი იედვაიმ გამოიჩინა.

“მხოლოდ მორატამ მოგვილოცა. ასეთი რამ არასოდეს გამომიცდია. მიხარია, რადგან ისინი ფიქრობდნენ, რომ ჩვენზე დიდები იყვნენ და მათ დავუმტკიცეთ, რომ შეცდნენ”, – განაცხადა ლოვრენმა.