ლუჩესკუმ “გალათასარაის” წინადადება უარყო

თურქული “გალათასარაის” ხელმძღვანელობამ, რომელიც მოულოდნელად მთავარი მწვრთნელის გარეშე დარჩა, ხელშეკრულება მირჩი ლუჩესკუს შესთავაზა.

მოგეხსენებათ, სულ ცოტა ხნის წინ ფათიჰ თერიმმა სტამბოლი დატოვა, რადგანაც იგი კლუბის მიერ შემოთავაზებულ ახალ კონტრაქტს არ დაეთანხმა.

“გალათასარაის” ლუჩესკუს გადაბირება პირველად არ სურს. მათ რუმინელ სპეციალისტს თანამდებობა აქამდე ერთხელ უკვე შესთავაზეს. როგორც Spor.ex იტყობინება, დონეცკის “შახტარის” თავკაცი თურქების წინადადებას ამჯერადაც არ დათანხმდა.

ლუჩესკუ ამბობს, რომ მას უკრაინელებთან მიმდინარე კონტრაქტი აკავშირებს და იგი ამ კონტრაქტის გაწყვეტას არ აპირებს.

აქვე გეტყვით იმასაც, რომ “გალას” სავარაუდო მომავალ მწვრთნელად ასევე რობერტო მანჩინი და რობერტო დი მატეო მოიაზრებიან.

სანდრო საპანაძე