ლუის ენრიკე და მსოფლიო ვარსკვლავები “პსჟ”-ს სამიზნეთა სიაში

“პარი სენ-ჟერმენის” ხელმძღვანელები ჩემპიონთა ლიგის მოგებაზე ოცნებას არ წყვეტენ და მზად არიან, მიზნის განსახორციელებლად კიდევ რამდენიმე ასეული მილიონი დახარჯონ.

როგორც ავტორიტეტული ფრანგული გამოცემა Telefoot გვარწმუნებს, ფრანგები გუნდსი ლუის ენრიკესთან ერთად რამდენიმე მსოფლიო დონის ვარსკვლავის მოწვევასაც გეგმავენ.

წყაროს ცნობით, “პსჟ” ნახევარდაცვის გასაძლიერებლად ნგოლო კანტეს (“ჩელსი”) ან ფაბინიოს (“მონაკო”) ყიდვას გეგმავს. მეკარის პრობლემის მოხსნა კი დე ხეას (“მანჩესტერ იუნაიტედი”), ტიბო კურტუას (“ჩელსი”) ან ჯანლუჯი დონარუმას (“მილანი”) უნდა დაევალოს.

რაც შეეხება ედინსონ კავანის პოტენციურ შემცვლელს, პარიზელები რობერტ ლევანდოვსკისა (“ბაიერნი”) და ჰარი კეინის (“ტოტენჰემი”) კანდიდატურებით არიან მოხიბლულები.

რა თქმა უნდა, ამ ყველაფრის ეპიცენტრი ნეიმარი იქნება და გუნდიც მის გარშემო შეიკვრება.