მადრიდის “რეალმა” კონტესთან მოლაპარაკებები წამოიწყო

Corriere dello Sport-ის მიერ გავრცელებულ უახლეს ცნობებს თუ დავეყრდნობით, მადრიდის “რეალის” ხელმძღვანელები უკვე ეძებენ ხულიენ ლოპოტეგის შემცვლელს. იტალიური პრესაში ირწმუნებიან, რომ მადრიდელთათვის მთავარ კანდიდატურას ანტონიო კონტე წარმოადგენს.

ზედიზედ ოთხი უგოლოდ ჩატარებული მატჩის შემდეგ ხულიენ ლოპოტეგი დიდი ზეწოლის ქვეშ იმყოფება და დიდი ალბათობით, “ბარსელონასთან” წაგების შემთხვევაში ის კლუბს დატოვებს.

გეტყვით იმასაც, რომ კონტემ “ჩელსის” კლანჭებს თავი ბოლომდე ჯერაც ვერ დააღწია – “არისტოკრატები” უარს ამბობენ მის განთავისუფლებაზე, რის გამოც, კონტრაქტის თანახმად იტალიელ სპეციალისტს 10 მილიონი ევრო უნდა გადაუხადონ.

რა თქმა უნდა, მადრიდელთა შორის სურვილის აღძვრის შემთხვევაში, ყველაფერი საკმაოდ მარტივად შეიძლება მოგვარდეს.